الأربعاء، 29 فبراير، 2012

آثر ثقافة المستهلك وبيئته علي المواصفات القياسية


السطور التالية لا تهدف إلي تقديم معلومة، أنما تطرح مجموعة من الأسئلة للتحاور بشأنها حول آثر ثقافة وسلوك المستهلك وبيئته علي المواصفات القياسية المعبر الأساسي عن جودة المُنتَج ومقياسه. خبراً أطل علينا بعد الثورة مضمونة سعي مصر وبعض الدول الأفريقية لتوحيد المواصفات القياسية لتيسير التبادل التجاري للسلع بين البلدان الأفريقية. الخبر ذاته يطرح أستفساراً، ولماذا تختلف المواصفات القياسية المعتمدة في البلدان؟!
المواصفات القياسية من أسمها فهي السمات الأساسية التي تصف منتجاً في حالته القياسية " المرغوبة " فتوافرها يعبر بشكل أو آخر عن أعتماد المنتج كمنتج ذا جودة قياسية. وهذا ما يوضح تحديدا لماذا تختلف المواصفات القياسية بين بلد و أخر فالمستهلك لن يشتري غير منتج يخضع لذوقه الشخصي و المواصقات القياسية بدورها معبراً عن ذوق المستهلك.
فإذاً، هل تختلف الجودة ؟! رغم أن المواصفات القياسية معبراً أساسياً عن جودة المنتج غير أن الجودة هي البحث حول كمال ممكن في المنتج لا يختلف حسب ذوق المستهلك و إنما الوصول له - أن أمكن - لا يمكن التخلي عنه ويصبح الخيار للمستهلك في أقتناء المنتج ذو الجودة الأعلي أو الأقل وهنا ما يمكن التعبير عنه باللفظة التجارية المعروفة "الفرز" والدارجة في مجالات الأدوات الكهربائية والألكترونيه و بعض مواد البناء الخضراوات والفاكهة .. إلخ، يكون المستهلك عارفاً بجودة المنتج حسب درجة الفرز وعليه أختيارها حسب رغبتة الشرائية والتي تتحكم فيها غالباً قدرتة المادية. ومع ذلك فالجودة ليست صاحبة السمعة الرديئه لدي المستهلك الأقل قدرة مالية - ويجب ألا تكون – فآحد أهم أشتراطات المواصفات القياسية أن تصل إلي منتج ذا جودة عالية بكلفة أقل ما يزيد حجم التسويق فيحقق الربحية المشجعة للمؤسسة المنتجة. بذلك لا تكون العلاقة طردية بين جودة المنتج وسعره. وبذلك تكون المواصفات القياسية معبراً أساسياً للجودة قابلة للتغير لتلبية رغبة المُستهلِك المُستهدَف بما لا يخل معايير الجودة العالية المعتمدة و المنصوص عليها من قبل بعض المنظمات مثل " ISO, WHO, .. etc.". و هذا ما يفسر أختلاف المواصفات القياسية بين البلدان رغم سعي الجميع إلي المنتج الأفضل.
من الأمثلة التي توضح ذلك تطبيق المواصفات القياسة للمياة. فالبلدان التي تعتمد علي الانهار غير تلك التي تعتمد علي البحار في أنتاج مياة الشرب. وهذا منطقي لكن من غير المنطقي فهمه للوهلة الأولي أن تختلف المواصقات نفسها لنفس المنتج كأن نجد مثلا بعض البلدان تسمح بوجود مادة الرصاص في مياة الشرب في حدود معينة رغم أن بعض الدول الأخري لا تسمح بوجودها أو أن نجد بعضها يسمح بوجود الحديد بنسب متفاوته بين البلدان. ويفسر ذلك طبيعة البلدان وأختلافها عن بعضها البعض فابلدان التي تعتمد صناعاتها علي الرصاص لا يمكن أن تخلي مياهها من تلوث بالرصاص في حين أن تواجد الرصاص في مياة البلدان التي لا تستخدم الرصاص في صناعاتها هو دليل خطر. كذلك فأن عنصر الحديد الناتج عن إذابة شبكات تغذية ونقل مياة الشرب والمستخدمة في بعض البلدان يفسر اختلاف نسب الحديد بين بلد و اخر. ولو أن بلدا صمم شبكة صرفه الصحي لتنتهي مخارجها في الأنهار لوجدناها تعتمد نسب مختلفة لمولوثات بيولوجية وعضوية عن بلد آخر صمم شبكة الصرف الصحي لتصرف في الصحراء علي سبيل المثال. إذا فالبيئه والطبيعة الصناعية والتجارية وموارد البلد تؤثر علي المواصفات القياسية المعتمدة فيه.
وكذلك الثقافة والسلوك الأنساني له تأثيره القوي علي المواصفات القياسية من ذلك وعلي سبيل المثال مقياس اللون في أنتاج زيوت الطعام. فمعلوم أن زيت عباد الشمس له درجة أقل للون الأصفر وكلما مر الزيت بمراحل تنقية كلما كانت مرحلة التبيض ناجحة كلما قل درجة اللون الأصفر. نجحت شركة في أنتاج زيت شفاف اللون وصرف علي حملة دعائية في مصر مستغلة قدرتها علي أنتاج زيت عباد الشمس ذا درجة شفافية عالية غير أن ثقافة المستهلك تتجة إلي أن الزيت لونه أصفر داكن فعادت الشركة وقللت من كمية تراب التبيض لترفع بذلك درجة اللون لتستطيع بيع منتج أقل نقاءً!!.
يستطيع الفلاح المصري أن يبيع محصوله لفرع شركة عالمية بمصر لتصنيع منتجاتها لكن لا تستطيع الحكومة المصرية بيع وتصدير المحصول بنفس مواصفاته لنفس الشركة العالمية في بلدان أخري. فنفس محصول البطاطس الذي يورد لمصانع أنتاج الأغذيه يصعب تصديره لبلدان تفرض مواصفات مختلفة كالخواص الفيزيائية والكيميائية الناتجة عن أساليب الزراعة المختلفة.


الأربعاء، 15 فبراير، 2012

ما بين العسكري والأخوان ليس بغرام

ظهر اليوم 15 فبراير نشرت صفحة " لاتجادل ولا تناقش انت اخونجى" علي الفيس بوك خبراً عن أجتماع سري حدث بين المشير و الدكتور الكتاتني "بصفته أخوانياً وليس رئيساً لمجلس الشعب" نص الخبر منقولا عن الصفحة يقول :

الكلام ده تسريبات عن لقاء حدث بين المشير و الكتاتني , حتى الان لم يتم التأكد من التسريبات لكن فى اخبار تؤكد ان بعض الكلام ده صحيح
محمد اشرف :
دي تسربيات مؤكده جاتلي من اجتماع المشير الكتاتني تابعي التيتات الجايه المعلومات خطيره
المشير طلب من الكتاتني بتبني الاخوان قانون الانتخابات الرئاسيه ال اصدره العسكر بحجه ضيق الوقت
والكتاتني وافق مبدئيا واقترح عقد الاخوان اجتماع لكل الاحزاب وبحضور المرشد لاقناع الجميع بالقانون وده في مقابل الحكومه الائتلافيه 
و اتفقوا ع معظم الاسماء المقترحه للحكومه..وكانت المفاجاه ان الكتاتني رحب بدعم الاخوان لنبيل العربي كمرشح للرئاسه كما يريد العسكر
اشترط الكتاتني علي المشير الا يظهر مع نبيل العربي في الصوره التاييد العسكري لتكمل الخطه دون ان يتم تخوين العربي
طلب الكتاتني م المشير ضروره تاخير العربي لاعلان موقفه من الترشح لاتاحه الفرصه لهم لتهيئه الجو له سواء بتلميعه او اسقاط المنافسين
والمشير اوضح للكتاتني ان شفيق هو الكارت الظاهر كمرشح العسكري وانه هيتم تزكيه ده اعلاميا بشده الفتره القادمه كنوع من التمويه
من ضمن المفاجات ان العسكر طلب من الكتاتني طرح فكره الدستور قبل الرئاسه مره اخري ولكن الكتاتني لم يبدي موافقه ولم يرفض ايضا
الغريب اني عرفت ان المشير اقترح على الكتاتني تقديم انتخابات الرئاسه ولكن الكتاتني هو من رفض حتي يتم اتاحه الفرصه لهم لدعم العربي
وانتهي الاجتماع بالاتفاق ع الاتي
1 _تبني الاخوان قانون العسكري لانتخابات الرئاسه
2_قيام الاخوان بدعوه الاحزاب لاجتماع لاقناعهم بالموافقه.
3_ ده في مقابل الحكومه الائتلافيه لاقناع الاحزاب على قبول القانون
4_التفكير فى وضع الدستور قبل الرئاسه او حتي وثيقه
5_دعم الاخوان لنبيل العربي كمرشح رئاسي ولكن دون ان يظهر التاييد العسكري علنيا
6_تم الاتفاق علي اسماء معظم وزراء الحكومه الائتلافيه
7_ ان يفكر الاخوان ف احد البديلين امامه تقديم الانتخابات وان لم يكن فالبديل الاخر هو تاخيرها مع وضع دستور قبلها اووثيقه ملزم

إلي هنا ينتهي الخبر المنقول عن صفحة " لا تجادل ولا تناقش انت اخونجي".
وكنت أظن أنها تسريبات ربما صحيحة و ربما خاطئة و أن الأيام القادمة ستظهر مدي صحتها. لكن لم يكن اعتقادي بمحله حيث لم تمر ساعات علي قراءة الخبر حتي توالت مجموعة من الاخبار والشواهد التي تؤكد صحة النسريبات والتي بدأت بخبر عن " إن قوى سياسية وشخصيات عامة، لعبت أدوارا فى ثورة 25 يناير، عرضت على د.نبيل العربى الترشح لمنصب رئيس الجمهورية فى الانتخابات القادمة، مضيفة أن العربى، لم يقطع برأى حتى الآن | التحرير" دون إشارة إلي هوية الشخصيات العامة. إلا أن الملفت للنظر في الخبر الذي ورد في عدد من المواقع الأخبارية تأكيداً ضمنياً أن العربي نفسه لم يحدد حتي الآن تلبيته لعرض الشخصيات العامة المشار إليها وكأن الرجل يعمل بنصيحة الكتاتني الواردة بالتسريبات والتي طلب فيها من المشير ضرورة تأخير العربي لإعلان موقفه من الترشح لإتاحة الفرصة لهم لتهيئه الجو له سواء بتلميعه أو إسقاط المنافسين. و الذي يحمل كل خبر نقله موقع إخباري ما يشير إلي صحة المقطع الثاني من النصيحة حيث نجد تأكيدات بأن:
 " وأكد عدد من الشخصيات عن رضاها لهذا الاختيار، مشيرين إلي القبول الشعبي الذي حازه هذا الرجل عندما كان وزيرًا للخارجية، بالإضافة إلي اعتباره ''رجل معاد لإسرائيل''، كما وصفة الإعلام الاسرائيلي، بالإضافة إلي ترأسه لوفد مصر في التفاوض لإنهاء نزاع طابا منذ 1985 وحتي 1989.
وسرد مؤيدو هذا الإقتراح تاريخ العربي والذي وصفوه بالمشرف.. حيث أشاروا إلي كونه مستشارًا قانونيًا للوفد المصري في مؤتمر كامب ديفيد للسلام في الشرق الأوسط عام 1978، وعمله قاضيًا في محكمة العدل الدولية، حيث كان ضمن القضاة عندما تم إصدار حكمًا في 2004 بإدانة الجدار الإسرائيلي العازل.
واعتبرت عددًا من القوي السياسية هذا الاختيار موفقًا نظرًا لكون نبيل العربي أحد الذين لم ينتموا إلي أي تيار بعينة ولم يكن محسوبًا علي النظام السابق | مصراوي". و في استكمال لباقي النصائح ورد في خبر جريدة التحرير السابق الاستشهاد به عن الدكتور مصطفى الغنيمى عضو مكتب الإرشاد و كذلك الدكتور جمال حشمت عضو حزب الحرية والعدالة ما يؤكد " أن الحزب لن يسمى مرشحا للرئاسة ولكنه سيعلن عن دعمه مرشحا ما فى الوقت المناسب بعد غلق باب الترشح " لكن الدكتور مصطفي الغنيمي عضو مكتب الإرشاد أكد أن حزبه وضع مجموعة من المواصفات لرئيس الجمهورية القادم وهى أن لا يكون محسوبا على النظام السابق، ولا يناهض الفكر والمشروع الإسلامى، ولا ينتمى إلى جماعة الإخوان المسلمين، ويكون شخصية وطنية مشرفة لمصر بعد ثورة 25 يناير، موضحا أن «الدكتور نبيل رجل محترم ونكن له كل الاحترام ولكن ليس صحيحا أننا تفاوضنا معه أو دفعناه نحو هذا الأمر»، مضيفا «العربى اسم مطروح مثل بقية الشخصيات محل دراسة من الجماعة»، مشيرا إلى أن الإخوان الآن يقومون باستطلاع لآراء قواعدهم، حول الأسماء المرشحة فى انتخابات الرئاسة، وما زال الاستطلاع مستمرا على مستوى جميع المناطق والمكاتب الإدارية .وهو الموقف المعلن عن الأخوان حسب خبر الجريدة"
جماعة الإخوان، التى لم تعلن بعد موقفها من مرشحى الرئاسة، لم تبد ممانعة لطرح اسم العربى، بل تراه يصلح كشخصية توافقية، ولاقى قبولا واسعا من الشارع عندما كان وزيرا للخارجية فى حكومة الدكتور عصام شرف، كما أن سجله المهنى مشرف وغير محسوب على تيار بعينه، وهى المواصفات التى حددتها الجماعة لمرشحها للرئاسة حتى تدعمه." ويتفق مع تصريح المرشد الدكتور محمد بديع المنشور علي صفحتة الشخصية حسب جريدة التحرير.
يأتي ذلك كله في الوقت الذي بدأ الفريق أحمد شفيق - الرجل الذي حتما يعلم أن فرص فوز من أقصته الثورة بعيداً شحيحة-  يعمل جاهداً علي أعطاء إشارات بأنه مرشح المجلس العسكري. فالرجل بصيغة الإنكار يريد أن يثبت ذلك ففي تصريحه الذي نقلته جريدتي الأهرام و المصري اليوم ينفي أنه مرشح الجيش لكنه يؤكد أن قرار الترشح آتي بعد مشاورات مع المشير!!.
إلي هنا ينتهي تأكيداً جذريا لعدد غير قليل من التسريبات إلا أن يتبقي لنا بعضأ أخر يكسر الشك باليقين و كان الخبر الذي نقلته عدد من الصحف منها جريدتي الشروق و التحرير والذي يقول علي لسان الدكتور محمد مرسي رئيس حزب الحرية والعدالة " وأضاف مرسى أن تشكيل حزب الحرية والعدالة لحكومة هى مسئولية كبيرة وتكليف وليس تشريفًا، مشيرًا إلى أن الأغلبية البرلمانية التي حظي بها الحزب تضع على كاهل أعضائه إلزامًا وواجبًا وطنيًا بأن يتولوا المسئولية نحو التنمية والاستقرار السياسى والاقتصادى" الثقة والطمأنينة التي تحدث بها الدكتور محمد مرسي ليثبت بعضا من الإشاعات تناولتها مواقع عدة عن الحكومة المشكلة من الأخوان تثبت أن هناك تلويحا من المجلس العسكري بالموافقة علي تشكيل الحكومة آن أجلاً أم عاجلاً. إلا أن ما يلفت النظر فيما نقلته الجريدتين علي لسان الدكتور محمد مرسي هي دعوته الناخبين إلى ضرورة المشاركة فى انتخابات مجلس الشورى مبرراً ذلك بـ"  لأنه الغرفة الثانية للتشريع، وسيشارك مجلس الشعب فى تكوين الجمعية التأسيسة لوضع الدستور، بالتوازى مع انتخابات الرئاسة التي تم تحديد مسارها بدءا من 10 مارس المقبل، ليتم انتخاب رئيس الجمهورية فى آخر يونيو ويتسلم عمله فى أول يوليو القادم" وهو ما يذهب إلي صحة الخبر المنقول ويؤكد رفض الكتاتني لتقديم موعد الرئاسة بل أن التواريخ التي أعلنها مرسي تأتي لتعبر عن موافقته علي طرح المجلس العسكري بانتخاب رئيس في أخر يونيو وتسليم السلطة في أول يوليو. و ما سرده مرسي لتزامن توقيتات عمل اللجنة التأسيسية للدستور بالتوازي مع اتخابات رئيس الجمهورية لا يتنافى مع موقف الكتاتني في الخبر المسرب عن رعدم ابداء رأيه من طرح المشير لفكرة الدستور قبل الرئاسة مرة أخري و أن كان عمل اللجنة التأسيسة لشهور قبل انتخاب الرئيس يعد موافقة ضمنية علي ذلك الطرح عملياً دون الإعلان عن الفكرة مرة أخري لتجنب الجلبة التي تثيرها بل بذلك سيأتي رئيسا ليوقع علي بياض دون مشاركة منه في اختيار اللجنة التأسيسية وبذلك يتحقق للعسكري رغبته في أن يكون الدستور قبل الرئيس فعلياً.
تبقي من الأخبار المسربة دعوة الجماعة للقوي السياسية بالموافقة في حضور المرشد ودا اللي بدأت الجماعة أولي خطواته بدعوة المرشد نفسه للمؤتمر السادس للقوي الوطنية من أجل مصر حسب الخبر الوارد بجريدة الشروق.
 


ليَّ فيها النيل .. ولها في الروح


السطور التالية منقولة من الصفحة الشخصية لرباب فايد، تخيلت أنها تكتب لنا -أصدقائها وأهلها- عن 23 يوم خارج مصر، لكن لما قرأت لقيتها فضفضة بينها وبين الوطن بعيداً عن التفاصيل التي تحكيها للأصدقاء بين وداع واستقبال ووداع واستقبال إلا أن ما بين السطور فضفضة بين رباب فايد ويبن مصر،فضفضة بلغتها البسيطة في سرد اللي تحسبة مجر تفاصيل تهم الأصدقاء وأحسبها رسالة إلي كل مرشح لرئاسة مصر .. أن اقرأوا كيف يريد شباب مصر لمصر أن تكون.
النهارده قررت اكتب عن رحلتى لدولة الامارات اللى بدات من يوم 17 يناير وانتهت يوم 9 فبراير ... لاول مرة من زمن أسافر خارج بلدي مصر جاتلى فيزة الزيارة، حضرت شنطتى، أخدت أجازة من شغلى، وصلنى بنت خلتى وخالتى وأخويا للمطار، ختمت الباسبور خروج، ركبت الطيارة، شوفت مصر من فوق وقولت لها هتوحشينى يا بلدى ... طول الطريق بدعى ربنا دعوات خاصة بيا ودعوات عامه للوطن .. وصلت مطار دبى ... ابدأ بقى من هنا اتكلم واحكى ..... مطار كبيييييير وزحمه جداااا ولكن منظم جداً ومعاملة محترمة جداً  البداية لقيت طابور طويل عشان ياخد بصمة العين عشان يعرف انت عندك اى مشكله ولا يسمح ليك دخول البلد .. وانا واقفه فى الطابور لاقت واحد موظف اماراتى جاى سالنى زيارة ولا سياحة قولت سياحة مضى على التأشيرة وقالى اطلعى فوق اختمى واعملى البصمة فوق .. وقفت فى طابور متوسط لا طويل ولا قصير وصلت للراجل ختمت وعملت البصمة ورحت على السير جبت الشنط ومشيت ... كل شئ منظم لأقصى درجة ... مطار كبير جدا ولكنه منظم جداااا ... خرجت بره لاقيت اختى وامى فى انتظاري، سلمنا على بعض وروحنا ... دى ليلة الذهاب
وبداءت الخروجات والفسح وجالى حزن على بلدى بصراحة
بلد زى دبى ليس لها حضارة ولا لها ماضى ولكنها اصبحت حاضر ... بلد ليس لديهم اثار .. هل تعلم متحف دبى فى ايه؟؟ ... مجموعة قلل مكسرة وادوات صيد!! ... معقول هى دى حضارتهم السؤال نط فى دماغى ولاقتنى بقول يا عينى عليكى يا بلدى اتظلمتى ... بس بحبك يا مصر برضوا
ابراج ... عمارات ... برج خليفة ... مولات رهيبة ... قرية عالمية ... مهرجان التسوق بدبى ... مهرجان الاضاءة بالشارقة ... مسجد الشيخ زايد بابو ظبى ... بواخر ... شوارع نظيف  ... اسواق مرتبة .... نظام فى كل حاجه ... ولكن كل ده بلا روح ... حقا بلا روح
مصر بكل ما فيها من عيوب ولكن لديها روح .. فيها دفئ فيها إحساس
و اختى بتسوق، كنت بستغرب .. ايه السواقة دى؟!!  كل شئ منظم، مفيش حاجه اسمها اخد يمينى فجاءه، شمالى فجاءة، الاشارات لازم تُحترم، حتى الشرطه بتقف فى الاشاره ... شرطة صارمه مش شرطة بتقبل الرشوة ... ظابط مش هدفه انه يبقى بيه او باشا ... هدفه يطبق القانون
لو رمت ورقة فى الارض تدفع 500 درهم .. لو وقفت فى مكان غير مخصص للركنة تدفع 1000 درهم ... لو كسرت اشارة ... يالهوى هو فى حد يقدر يكسر اشاره ... انا مشفتهاش طول الفتره دى ... اصله هيدفع غرامة وتتاخد عربيته منه كمان لمدة شهر ... المصرى هناك ملتزم جداااا وكانه متربى على النظام والقانون ... عشان بس الناس تقولك: العيب فى الشعب .. لا للاسف العيب فى اللى مش بيطبق القانون ... هناك تعرف يعنى ايه دولة القانون ... انت لو نسيت عربيتك مفتوحه مفيش قلق .. لو نسيت محفظتك فى حته تلاقيها رجعت ليك .. السبب مش الناس لا السبب القانون اللى بيخوف الناس  .. القانون لما بيحكم كل شئ بيمشى صح
الناس اللى فرحانه بمترو الانفاق اللى عمله المخلوع ... احب ابشرك مترو الانفاق هناك تلمحه وكانك فى مطار القاهرة مش مترو انفاق .. نظام .. شرطة .. نظافة ... تهوية جيدة ... من الاخر مكان للاستخدام الأدمى ... للعلم كل ده مش لأهل البلد ده للوافدين .. اهل البلد عددهم قليل جداااا واغنياء جداااا .
لما طلعت برج خليفه وبصيت على البلد من فوق تشوف العربيات ماشيه ازاى متصدقش عينك نظام ما بعده نظام وكانهم فى سباق سيارات ... طبعا برج خليفه ده اعلى برج فى العالم دلوقتى ...
عندهم تقدم فى المعمار رهيب وفظيع ... دبى بلد استطاعت ان تعمل لها حاضر وهى بلا ماضى ... مصر بلد انهت حاضرها رغم ماضيها وحضارتها
وانا هناك فكرت كتير انا ليه معيش فى دبى؟؟ .. العيشة معقولة المصاريف مش غالية .. الغالى السكن والكهرباء ... الاكل والشرب معقولين  بالنسبه للدخل .. مش زى مصر .. دخل قليل، معيشة غالية جدااااا ...  و انا بفكر فى كده سمعت اغنية حمزه نمره تأشيرتى رايح جاى .. وحسيت قد ايه صعب انى اسيب بلدى ... الاغنيه اللينك بتاعه فى اخر النوت لازم تسمعوها ... على فكره كل المصرين المتغربين اكتر ناس بتعانى من ظلم النظام فى مصر لها ... ساب اهله وارضه وناسه عشان يعيش فبلاش حد يقوله انت اصلا مش حاسس بحاجه .. لان صدقنى اللى عايش فى مصر هو اللى مش حاسس بحاجه كفايه انه وسط اهله ... الغربه مرة فعلاً .. المهم ... دبى بلد بتعرف تسحب منك الفلوس ازاى بس بتعرف .. تديك خدمات ازاى .. فبتدفع وانت راضى لانك هتلاقى خدمة عظيمة ... مش زى حرامية بلادى بيدفعونا بدون خدمة ...
دبى احتلال هندى .. اه والله احتلال هندى ... البلد مليانه هنود بشكل بشع جداااا ... واللى يعرف بلاد الهند عامله إزاى يستغرب إن هما قادرين يحافظوا على القانون كده .
اى واحد هناك بيشتغل بيشتغل بضمير ... يعنى مثلا لما تروح محل اكل مش لازم تدى الراجل فلوس تبس يعنى عشان يظبطلك الحاجه ... هو كده كده بيشوف شغله وبضمير ... فى مرة قولت لاختى: هو انا ادى للراجل بتاع الساندوتشات حاجة عشان يملى الحاجة حلو قالت لي: لا طبعا هو بيشوف شغله عايزه تديله انت حرة بس مش عشان يعمل حاجه هو كده كده بيعمل شغله ... هو ده المفهوم هناك ... مش زى هنا تدفع كام تاخد خدمة ايه .. المفهموم اللى النظام ربى الشعب عليه وخلاه بلا ضمير فى الشغل .
طول الوقت وانا هناك بفكر فى مصر وبحزن اكتر على مصر معقول مصر بلد الحضارة تبقى كده ودبى البلد اللى بدون اى حضاره تبقى كده .. و بين كده وكده كتير اوووى ... هما عندهم بترول واحنا عندنا بترول ... الله ايه الفرق بقى ... الفرق ان هما مسرقوش شعبهم واكلوا الشعب .
اليوم هناك ملوش طعم وبيجرى بسرعه اوووى مفهوش بركة تماما والعجيب ان البلد كلها بتقفل الساعه 10 وايام المهرجان الساعه 12 .. صحيح بنت المعز القاهرة حتى الصباح ساهرة .. يا سبحان الله انت هنا تبداء تخرج الساعه 10 هما هناك يقفلوا من الساعه 10 ... صدقونى بلد بلا روح ولا حياة ... مبانى فقط
خلاص بقى وحشتنى بلدى وعايزه ارجع اشوف بتاع البطاطا  اشوف الباعة الجائلين اشوف الشوارع اللى مش منظمة والزبالة اللى فى كل حته .. كل ده كووووم وروح بلدى كوووم تانى ... بحبها مش عارفه عشان بلدى  ولا عشان هى تتحب فعلا ؟ سألت نفسى السؤال ده ولاقيت الرد من واحد فلسطينى لما أتكلمنا عن مصر وقال : يلا شدوا حلكوا عشان مستنينكم فى فلسطين ... تخيل فلسطين مستنيه مصر عشان تخلص من اليهود!! ... يا سبحان الله .. واتكلم عن مصر وان هى بلد فيها روح وجميله رغم انه عمره ما نزل مصر وقال كان نفسى اقولكم اتفضلوا فى فسطين بس صعب جدااا .. لاقتنى بقول فى سرى الحمد لله على نعمة مصر
جاء معاد الرجوع بقى وكالعاده اختى اخرتنى رحت متأخر على الطيارة .. بس لحقتها الحمد لله بس ولا اى حاجه اجراءات سهلة سريعة منظمة ... من فوق وانا فى الطيارة بصيت على دبى وشوفت الجزيرة اللى عملوها على شكل نخلة وشكل الابراج وفضلت طول رحلة السفر ادعى برضوا .. ومر الوقت ولاقتنى فوق مصر ... صحراء  .. بلدى من فوق صحراء ... كل الاراضى دى بتاعة مين؟!! .. الناس مش لاقيه تسكن والاراضى الفاضية دى بتاعة مين؟! والحكومة محوشاها ليه ... اضايقت وقولت فى سرى معقول يا مصر انت من فوق كده زعلت وغيرت .. زعلت ان مصر بلد الحضارة من فوق صحراء و غيرت لان المفروض احنا اللى كنا نبقى احسن دولة فى العالم بقينا من الدول النامية .
محدش يقولى مصر مفهاش خير .. مصر كلها خير .. بترول .. سياحه .. دهب .. رخام ... زراعه
دبى بترول ..تسوق .. مبانى وابراج عاليه فقط
وصلت مطار القاهرة .. من على سلم الطيارة يفط مرفوعه بقى باسماء ناس حركات بقى ووسايط ... طبعا هناك مفيش الكلام ده كل الناس واحد قانون بقى
واللى لازق فيك حمد لله على السلامه حمد لله على السلامه وهو اصلاً مش بيعمل ليك حاجه بس اهو بقى انت جاى من دولة الخليج يعنى معاك فلوس ... اه هو كده المفهوم .. انا مش بلوم الشخص ده ماهو لو مرتبه مكفيه مكنش عمل كده ولو فى قانون بيحكموا مكنش عمل كده برضوا ... المهم خلصت كل ده وخرجت محدش قالى شنطتك فيها ايه!! .. يلا هيصه بقى ده لو اى حد مهرب اى حاجه مكنش اتعرف ... من الاخر بتوع الجمارك مش شايفين شغلهم الناس خارجه محدش بيبص على شنطته لولا ان الواحد بيتفرم فى مطار دبى كان زمان كل الناس جايه مهربه بلاوى قد كده ... تخرج بقى للزحمة اول ما خرجت وشميت هواء مصر قولت الحمد لله وحشتينى يابلدى بكل ما فيكى .. كان أخويا مستنيني .. شاورنا لتاكسى .. طبعا وسواق تاكسى بدون عداد .. بيقولك فى المطار محدش يشغل عداد .. بالمقاولة .. حرامى يعنى .. مش بلومه برضوا ماهو مفيش قانون يحكمه .. مش هقارن بين التاكسى هنا وهناك لان مفيش وجه مقارنة تماماااا ... المهم رجعت للزحمة والعشوائية فى السواقة وعدم النظام وعدم احترام القانون .. بس بحب بلدى وفرحانة اكتر مما كنت هناك ... اه هنا احسن بكتير ... ماهو انا مش هسيب بلدى غير لما تبقى احسن بلد فى الدنيا .. وهتبقى .. انا عارفه انها هتبقى ان شاء الله .
بيقولوا للسفرسبع فوايد .. انا كان عندى سبع فوايد فعلاً
1-  عرفت غلاوة اشخاص عندى وانى مقدرش ابعد عنهم فعلا .. هما بقى عارفين نفسهم
2-   عرفت انى بحب بلدى وانى مقدرش اعيش بعيد عنها
3-  عرفت واتأكدت ان المصرى لو فى قانون هيحكمه هيمشى صح ومليون صح
4-  عرفت ان بلدى اتسرقت واتنهبت واتظلمت بشعبها
5-  اتاكدت ان مصر ام  الدنيا بروحها وناسها الطيبين
6-  شوفت يعنى ايه شرطه بتحمى وتحفظ
7-  اهم نقطه القانون ثم القانون ثم القانون .. عرفت فعلا يعنى ايه دولة قانون

عارفين انا مكنش بيصبرنى هناك غير حاجتين .. حاجه مش هقولها بقى ومحدش يسالنى هى ايه .. والحاجه التانيه انى كنت عارفه انى راجعه مصر بسرعه مش هعيش هناك .
قررت انى هعمل المستحيل عشان بلدى تبقى احسن .. يقولوا بقى اللى يقوله .. بنخرب البلد، بنوقع الاقتصاد الوهمى، اللى الناس تصدقه .. يقولوا اللى يقوله .. انا ماليش دعوه انا عايزه مصر تبقى احسن من دبى .. حقى احلم وحقى انى احقق حلمى ...
فى النهايه كلمتين من قلب موجوع على بلده .. اتولدت .. وكبرت .. وحلمت .. فى مصر
بس للاسف مقدرتش احقق حلمى ولسه مش قادرة احققه بسبب اللى سرق مصر ومش هقدر اسكت لانه سرق مصر وسرق عمرى معاها ... ساعات كتير بظلم مصر واقولها انت ظلمتينى وارجع اقول مش هى اللى ظلمتنى هى كمان اتظلمت من اللى سرقها ونهب خيرها لنفسه وساب شعبها جعان .. عريان .. بطالة .. فقر .. عشوائيات .. جهل ... الخ .. حاجه توجع وتألم
واخيراً ... ظلمتونا وظلمتوا مصر ... حسبنا الله ونعم الوكيل .. حسبنا الله ونعم الوكيل
حمد لله على سلامتى 





حمد لله علي السلامة يا رباب
ربنا يحقق لك أمنيتك
ونعيش في مصر التي نتمناها
ونشوف القانون علي الصغير والكبير .. مش قانون الغاب

الجمعة، 10 فبراير، 2012

حوار صديقين ع الماشي

التالي حوار بيني وبين أصدقائي وبخاصة صديق منذ أيام الدراسة حول الوضع الحالي .. الحوار علي صفحتي الشخصية علي الفيس بوك فهو متاح من خلال الانترنت .. وبصراحة نقلته لانه ينقل كثيراً من الحوارات بين المصريين في الشارع المصري ونقل  لوجهات نظر الغير منتمين لتيار سياسي

خليها تاكله
"@ayaabdullah « ﺍﻟﻌﻮﺍ«ﻳﺼﻒ ﺃﺻﺤﺎﺏ ﺩﻋﻮﺍﺕ
»ﺍﻟﻌﺼﻴﺎﻥ ﺍﻟﻤﺪﻧﻲ«ﺑـ»ﺍﻟﻄﺮﻑ ﺍﻟﺜﺎﻟﺚ »"

 ·  ·  · @3klmhwy on Twitter · Wednesday at 12:04am via Twitter

  • Mohamed EL-shamy likes this.

    • Mohamed EL-shamy انا طرف ثااااااااااااااااااااااالث وافتخر
      Wednesday at 12:06am ·  ·  1

    • Mohammad Hwehy اضراب حتي النصر
      Wednesday at 12:09am · 

    • Mohamed EL-shamy اضرب حتى يسقط حكم العسكر
      Wednesday at 12:10am ·  ·  1

    • Mohammad Hwehy ﻻ اسقاط انما محاكمه
      لن يرحلوا الا الي محكمه ثوره

      Wednesday at 12:11am ·  ·  1

    • Mohamed EL-shamy صح كدا
      Wednesday at 12:12am ·  ·  1

    • Mohamad Tabasi تنضرب في راسك ياحويحي بس زهقتني اعمل فيك ايه
      about an hour ago · 

    • Mohammad Hwehy الله يسامحك ياطباسي .. بس هو راجل عوا صحيح .. اعمل له ايه .. جاه الفيوم هناوقعد يكدب كدب الابل
      about an hour ago ·  ·  1

    • Mohamad Tabasi هتنتصر علي مين ياحويحي بس احنا الكل في مركب واحد ولو غرقت هنغرق كلنا
      about an hour ago · 

    • Mohammad Hwehy ننتصر علي المجلس العسكري ياطباسي .. المجلس لازم يرحل
      about an hour ago · 

    • Mohamad Tabasi اكيد هيرحل بلاش استعجال علشان مايحصلش زي لما حصل في انتخابات مجلس الشعب
      about an hour ago · 

    • Mohamad Tabasi وبعدين موش اي مرشح من الموجودين ينفع انه يكون رئيس لمصر
      about an hour ago · 

    • Mohamad Tabasi لازم يكون انسان قوي وحكيم وعادل وشجاع يرد للمصري كرامته وشخصيته الرئيس اللي تستحقه مصر
      about an hour ago · 

    • Mohammad Hwehy 
      ههههههههه .. شوف ياطباسي كل المرشحين ينفعوا او ما ينفعوش .. فهما لوما ينفعوش دلوقتي .. اكيد ماهاينفعوش كمان اربع شهور .. وبلاش نقعد نصبر نفسنا شهر في التاني كان هايرحل في شهر 6 / 2011 ادينا بقينا 2 / 2012 ولسه عاوز يقعد .. وبعدين احنا عاوزين رئيس سياسي .. مش سوبر مان .. فيه ابو الفتوح فيه حمدين صباحي .. فيه هشام البسطويسي .. وفيه ناس كتير وقت الترشيح هايظهروا ونختار منهم .. انما ما نفضلش قاعدين كده كل شويه يقولوا كمان كام شهر

      about an hour ago · 

    • Mohamad Tabasi كل المرشحين هما اللي طلبوه ياجل تسليم السلطه لحد مايستعدو
      about an hour ago · 

    • Mohamad Tabasi واللي خلاص معرفش يستعد قال نخربطها خالص وتبقي علي الكل
      about an hour ago · 

    • Mohamad Tabasi انا معاك المجلس العسكري لازم يرحل لان اخطائه كتييره وموش مسيطر عالبلد بصراحه مالهمش في الرئاسه والبلد رايحه جايه عمال تتخبط وتخبط فينا
      about an hour ago · 

    • Mohamad Tabasi وبعدين كل المرشحين دلوقتي او معظمهم مطلبوش تبكير الانتخابات لحد ماينزل الدستور
      about an hour ago · 

    • Mohammad Hwehy 
      طباسي بلاش بس نقعد نقول الكلام اللي بيقولوه اخوانا الاخوان وخلاص .. هما طلبوا تاجيل الانتخابات وتسليم السلطة لمجلس مدني .. محدش جاب سيرة ان المجلس يفضل قاعد دي .. ان ن اللي كاناو بيايدوا البرادعي عن نفسي وهشام بسطويسي وعارف كانوا بيقولوا ايه .. الكلام كله كان ان المجلس العسكري ما يفرضش علينا رايه وسياسته ويدبسنا في بعض .. هو يسلم السلطة لمجلس رئاسي مدني وساعتها لو تفتكر حصلت الخناقة بتاعة وثيقة البرادعي والازهر .. هما اللي معترضين دلوقتي هما اللي مستغلين ان ذاكرتنا ضعيفه وبيقولوا اي حاجه ولخبطوا الناس مش مخليين حد يفتكر حاجه

      about an hour ago · 

    • Mohamad Tabasi وبعدين في نظري كلهم زي بعض ملك وكتابه وجهين لعمله واحده
      about an hour ago · 

    • Mohammad Hwehy وبعديم يدعقوا ابو المرشحين كلهم .. الصح ان المجلس يمشي .. والله بقي يمشي ويعملوا انتخابت او يمشي ومجلس الشعب يمسكها شويه لحد ما الوضع يستقر .. او يعملوا نتخابات هما .. انما مش المجلس العسكري اللي يعمل الانتخابات ويعملها بمزاجه ونلاقينا مدبسين في حد
      about an hour ago · 

    • Mohamad Tabasi وبعدين البرادعي اول واحد ماينفعش يكون رئيس لانه ببساطه وظيفته حكمت عليه انه ميعرفش يقول لأ
      about an hour ago · 

    • Mohammad Hwehy لا طبعا مختلفين .. ابو الفتوح و حمدين والبسطاويسي .. غير حازم ابوسماعيل .. و كلهم غير عمرو موسي او شفيق
      about an hour ago · 

    • Mohammad Hwehy مين دا اللي ما يعرفش يقول لا !!!!!!! .. طيب لا بقي ياطباسي معلش بعد أذنك
      about an hour ago · 

    • Mohamad Tabasi شوف ياحويحي اللي معاه القوه هايعمل اللي عاوزه الاحسن اعدام كل رموز النظام السابق
      about an hour ago · 

    • Mohamad Tabasi بالراحه ومتتعصبش لاديك علي دماغك
      about an hour ago · 

    • Mohammad Hwehy اللي معاه القوه هو الشعب ياطباسي .. و الشعب لازم يعرف ان القوه في ايده هوه .. والله يسامح اللي بيساعدوا المجلس العسكري سواء بقصد او من غير قصد
      about an hour ago · 

    • Mohammad Hwehy لا ياعم لا اتعصب ولا غيره ليه يعني .. بس مش هناقشك لانك لو شايف ان البرادعي مابيقولش لا يبقي دا بيدل ان ماينفعش نتناقش في النقطه دي اصلا .. لان ابسط شئ انت مش ملاحظه وبتنفيه كمان
      about an hour ago · 

    • Mohammad Hwehy وعلي كل حال الراجل انسحب اصلا وريح كل اللي بيكرهوه .. وانا اتمني ان الحال يتغير والنظام يصلح لانتخابات سليمه عشان يرجع ينافس .. لان من يوم ما اعلن انسحابه لو تلاحظ الكل فقد الهمة .. كانهم كلهم كانوا نازلين عشان يهتوه وبس
      about an hour ago · 

    • Mohamad Tabasi فساد 60 سنه موش هيتصلح في سنه ولا اتنين لازم يطلع جيل جديديغير كل حاجه
      about an hour ago · 

    • Mohammad Hwehy صح .. يبقي ما ينفعش نخليهم هما اللي يغيروا
      about an hour ago · 

    • Mohammad Hwehy يسقط يسقط حكم العسكر
      about an hour ago · 

    • Mohamad Tabasi شوف ياحويحي طالما في تدخلات من قطر والسعوديه وامريكا واسرائيل عمر الامور متنصلح في الوقت الحالي حتي برحيل حكم العسكر
      about an hour ago · 

    • Mohamad Tabasi بلاش صدام مع المجلس دلوئتي المفروض نستعد لانتخابات الرئاسه ونشوف المرشحين المحتملين ايه برامجهم مع ملاحظه انها تكون مطابقه للواقع ونختاره وبعدها هو اللي هيلتفت للمجلس العسكري اللي اكيد كله هيطلع بره الخدمه ونشوف مين الغلطان ويتحاسب ونعطي كل واحد فرصته
      about an hour ago · 

    • Mohamad Tabasi دي مصر ياحويحي موش هنجيب اي حد ونعمله رئيس في يوم وليله علشان نمشي الكجلس
      about an hour ago · 

    • Mohammad Hwehy 
      عند امه .. لو الشعب عرف ان القوه في ايده هو .. يبقي عبوهم كلهم .. طباسي احنا اللي بنعمل العفريت لنفسنا .. والمصيبة بعد الثورة دي .. رجعنا نعمل العفريت تاني لنفسنا .. امريكا مين بس اللي هانعملها حساب ازي كان هي كل مواقفها كانت بتتخذها بعد ماتقعد مستنيه تشوف الموقف في الشارع المصري هايمشي ازاي .. دلوقتي رجعنا تاني نقول امريكا .. بالنسبه لقطر والسعودية .. فانحنا بنديهم اكبر من حقهم .. وشويه المعفصين اللي بيقبضوا منهم لو اديناهم علي قفاهم ولا هايبقي لهم لازمه .. بس احنا اللي بنموت في العفاريت

      about an hour ago · 

    • Mohamad Tabasi صدقني ياحويحي بلاش نكون زي تونس كلهم دلوقتي بيتمسخرو علي المرزوقي ولا ليبيا في الفوضي الرؤس بتتساوي وهتلاقي كل المرشحين زي بعض وبعدين هما كلهم 3 شهور صبرنا سنه واخرهم معنا 3 شهور
      about an hour ago · 

    • Mohammad Hwehy 
      المجلس العسكري لو اشرف علي الانتخابات هايجيب رئيس علي مزاجه .. ولو انت شايف ان امريكا ولاسعودية وقطر واسرائيل ممكن يتحكموا .. فالمجلس هو اللي في ايده كل حاجه .. يبقي يرحل الان وليس غدا .. عشان مايجيش لنا واح حبيبهم وكفاءة لهم .. والبرنامج الوحيد اللي محتاجينه حاليا هو برنامج يشتغل علي 3 محاور لا اكثر .. دستور مدني ينشئ دولة ديمقراطية .. و برامج تثقيفية للشعب متعلمين وغير متعلمين .. وبرنامج تأمين صحي شامل .. خلاف ذلك لازم يحدد انه هايمشي بمجرد ما الدستور ما يتحط .. يعني اخره سنه .. فلا مجال لحديث بقي عن برامج اقتصادية ولا يفرش لنا البحر طحينة

      about an hour ago · 

    • Mohammad Hwehy هو فعلا كل الرؤس زي بعض .. وبعد سنه فاتت من الـ 6 أشهر اللي قالوا عليهم .. مش هانستني تاني .. و لازم يرحلوا .. يا اخي خليهم يرحلوا عشان كفايه دم لحد كده .. كل الدم اللي راح من المصريين من يوم 28 يناير 2011 الساعه 5 ولحد انهارده دا مسؤوليتهم هما وحدهم و لازم يرحلوا حالا الي محاكمة ثورية تحاسبهم عليه
      about an hour ago · 

    • Mohamad Tabasi حويحي عندنا في البلد مافي حد بيخرج من بعد العشاء من بعد الثوره لاي سبب من الاسباب صار كل شي مباح من سرقه وقتل عيني عينك وفرض اتاوات وناس كتيير ماتت وهي بدافع عن نفسها اكتر من اللي ماتو يوم 28 يناير
      59 minutes ago · 

    • Mohamad Tabasi احنا تماما مختلفين في الرأي وده طبعا لايفسد للود قضيه وبعدين لوكنت عارفك سياسي كده كنت كسرتك زمان من الضرب ايام الكليه يخرب بيت دماغك
      57 minutes ago · 

    • Mohammad Hwehy لا معلش دا في بلدكم .. احنا هنا رجالة يا معلم في الفيوم العيال الصغيرة بتلعب كورة في الشارع لحد الفجر في البرد اللي احنا فيه ده يا مؤمن
      57 minutes ago · 

    • Mohamad Tabasi طيب تعالي عندنا وانت تشوف العيال عندنا بتلعب بالكلاشنكوف عسكر وحراميه دلوقتي
      55 minutes ago · 

    • Mohammad Hwehy لا سياسي ولا غيرة بس كل واحد فينا له قراءة للي بيحصل وعلي اساسها بيحدد دماغه هاتروح فين ..
      55 minutes ago · 

    • Mohammad Hwehy اخص .. عسكر .. اكيد الحرامية أشرف
      55 minutes ago · 

    • Mohamad Tabasi هههههههههههههههه
      54 minutes ago ·  ·  1

    • Mohammad Hwehy أضحك الله سنك 

ليصلك الجديد أشترك بالبريد