نجحت جمعة 29 يوليو

كتبه : محمد حويحي

نجحت جمعة 29 يوليو بمختلف اسمائها وبكل هذا الحشد الهائل الذي دعم به السلفيون جمعة نادوا بها واصروا علي هدفهم منها بحشد الحشود بغير هدف سوي نوع من كيد النسا للقوي السياسية التي تحشد جماعات بالآلاف فقط حتي لو كانت الآلف تلك تستطيع كل مرة تجتمع فيها أن تجلب لنا مكسبا قويا نتيجة لتحركهم المدروس بناء علي مطالبهم المشروعة إلا أن الجماعة الأسلامية وجدت أن من حقها رفض كل ما تطالب به القوي الأخري لأنها قوي "أخري" وعليه كان يجب حشد الحشود والأعداد الغفيرة من الأسكندرية إلي أسوان بواسطة 10,000 أتوبيس ليمتلئ الميدان بملايين من الغيورين علي الدين

أقول قد نجحت جمعة كيد النسا .. نجحت في حصر أعداد المتأسلمين سياسيا والتي وضح جليا أنهم بطول مصر وعرضها حاجة كده بتاع 5 مليون نفر .. رجالة وستات كبار وصغار 

وعليه

فمصر طلعت لا علمانيبه ولا ليبرالية ولا طلعت متأسلمة

ملة أهلك أيه يا مصر؟؟؟

علي كل حال

صندوق الأنتخابات لسه علي الارض

لا تتركوا للمتاجرين فرصة شراءه

--------


علي الهامش كده وفي السر


عشرة  الاف اتوبيس نفترض انهم كلهم تبرعوا بالتوصيلة يبقي تمن البنزين بس 100 جنيه يبقي البنزين بس علي اقل تقدير مليون جنية وكل نفر اكل سندوتش فول وسندوتش طعميه يبقي 5 مليون في 2 جنية ونص يبقي الحساب 12 مليون ونص وعليهم مليون بنزين يبقي 13 مليون ونص  صرفها السلفيون في جمعة كيد النسا 


همسة في اذن اصدقائي السلفيين 


مدينة زويل للعلوم والتكنولوجيا تحتاج 2 مليار دولار 
ومصر تحتاج مشروع مثل مدينة زويل للعلوم والتكنولوجيا


التبرع علي حساب 1000 1000 في اي بنك من بنوك مصر


حتي لو هاتتبرعوا بتمن الاعلام بتاعه السعودية اللي اشتريتوها ترفعوها علي ارض مصر




---------


علي جنب بقي عشان الكلمة دي عيب 


النظافة من الايمان
والمعتصمون "الليبراليون والعلمانيون واليساريون وكل طوائف الشعب المعتصمة" مش عمال نظافة يشيلوا الزبالة من وراكم