الأحد، 3 يناير، 2010

صديقي أحبــك .. مهـا العباسـي




واضح أن مها العباسي أخدت مدونتي بنظام وضع اليد .. كل يوم والتاني بكتب عنها وكاني خلاص هاقفلها واحولها اعلانات مبوبه.

أخر الاخبار أنه خلاص أخيرا كتابها صديقي أحبك هايكون موجود في معرض الكتاب في دورته الاتنين واربعين .. الكتاب هاينزل في صاله "3" جناح دار اكتب .. طبعا دار اكتب هي الدار اللي اخدت حق طبع ونشر وتوزيع كتاب مها العباسي " صديقي أحبك".

الكتاب فيه تقريبا تلاتين نص نثر كلهم بيدوروا حول نفس الموضوع وهو موضوع العنوان .. مها في تحدي لخوف المجتمع من بعض المصطلحات أصرت أن يكون العنوان "صديقي أحبك" .. أن كان رأي مها أنه مافيش اسم تانييعبر عن محتوى كتابها غير العنوان المختار .. فأنا أعتقد ان أصرارها ده كان بدوره رساله أضافيه للتلاتين رساله اللي بتوصلهم من خلاص نصوصها.

أكيد هايكون ليا شرف محاوله الكتابه عن الكتاب ونصوصه مره تانيه وقت نزوله. لكن الي حينه ممكن أقول أن الكتاب بيهتم بكسر الحواجز اللي بيفرضها المجتمع علي العلاقات الانسانيه .. الكتاب بنصوص نثريه اقرب ما تكون الي الشعر الحر بيثبت ان الصداقه هي حب .. وحب أحتياج لكنه يختلف عن الأحتياج الجنسي .. الاحتياج ده يمكن يكون لصديق بالظبط زي ما يمكن يكون لصديقه .. هنا هانتوه شويه مع مها في الضماير في اول قراءه للنصوص في بدايه الامر ها نقراها نصوص من مها لصديق لها لكن ها نكتشف ان النص نابع من جوانا احنا تجاه صديق اخر .. بنهايه قراءه النصوص التلاتين ها نكون اقتنعنا بقناعه مها .. انها تخاطب الانسان لا الشخص .. بمعني

لوتخيلنا معاليك انك صديقي الصدوق .. لو وصلنا لعلاقه الاحتياج المتبادل بينا .. وقتها مش هاكون بخاطب الشخص اللي هو البطاقه الشخصيه لمعاليك .. وانما هاكون بخاطب الانسان .. عقلك وقلبك .. فقط

لحين صدور الكتاب زي ماقلنا في معرض الكتاب
ممكن المتابعه من خلال جروب الكتاب علي الفيس بوك



أه صحيح
أحتمال لما تيجوا المره الجايه المدونه هنا تلاقوا اسمها اتغير
لـــ
مدونه مها العباسي عقل مهوي سابق
:(

هناك 7 تعليقات:

  1. الف مبروك علينا كلنا الكتاب والجروب والاسم الجديد للمدونه ....

    ردحذف
  2. هو انا بشوف الحاجات دى متاخر ليه
    تقريبا عندى غيبوبه
    محمد بجد ربنا يخليك
    هاقولك ايه
    :)

    ردحذف
  3. محمد/عقل مهوى
    شكرا على دعوتك لحضور توقيع الكتاب وتهنئه لمها عباس على الكتاب وعلى تمسكها بفكرها....وكما تعلم نحن نفرح لكل انجاز من شباب النت ....فبالتوفيق دائمافبرنامجناالأذاعى هو بيت شباب النت او هكذا نود ان يكون
    http://netonradio.blogspot.com

    ردحذف
  4. جدع
    صديقى احبك

    ردحذف
  5. ألف مبرك ياحويحى وألف مبرك لك أولا وللرائعة مها العباسى ولكل الجروب وكانت ليلة جميلة حفل التوقيع وعقبال حفل توقيعك

    ردحذف
  6. حلوى كاش

    ردحذف
  7. حلوى كلش والف الف مبروك

    ردحذف

ليصلك الجديد أشترك بالبريد