الأحد، 14 يونيو، 2009

أنا و أنت !!



أنتبه !!

 

أنت الأن ستري

 

صورتي

:)





 

اه .. معلش .. أسف

نسيت أقولك

عشان تشوف ملامحي كويس .. لازم ترجع لورا –لو تسمح- لمسافه مش اقل من 2 متر!!

 

دا مش أختبار ولا هي غلاسه .. الأمر وما فيه أني عاوز أوضح العلاقه الي بيني وبينك

زي ما بتوقعها .. ؟!

يعني انا مثلا محددها في 3 علاقات

العلاقه بيني وبين الأنسان اللي لما طلبت منه يرجع لمسافه لا تقل عن 2 متر

ما كلفش خاطره يعمل كده ولا في نيته

ودا ما أعتقدش انه بيقرا دلوقتي أصلا

 

أنسان تاني –كتر خيره- قام ورجع وشاف الملامح وحس بالأختلاف, ورجع يكمل قرايه

بشكره من قلبي

 

أنسان تالت .. قام وشاف الملامح ومالقيش فرق .. ورجع بكل صبر يكمل باقي الموضوع

أصبر عليا

 

للأول .. لاهو في حاجه الي كلامي  .. ولا هو ترك لي الفرصه لكي اخبره تقديري لمروره الكريم

 

للثاني .. أنت زميل عزيز .. أقدرك ,احترمك

 

للثالث .. أصبر 
***

 

بعد الملل دا كله ياترا مين اللي لسه مستمر  معايا؟؟ وأيه اللي انا بعمله ده؟؟  ..

الأول لا محتاجني ولا هايشوفني محتاجه ولا لا .. وزمانه نسي اصلا الموضوع ..

التاني  .. هو كل الاشخاص في حياتي عدا الثالث .. يحتاجون ان يروا الوجه البشوش  .. ولا يطيقون ان تتعبهم مشاكلي وهذا حقهم

لان كل منا فيه اللي يكفيه

فنصيحي اليه .. حافظ دائما علي المسافه بيننا ولا تقترب .. لاني محمل بالهموم مثلك وكلانا افضل له ان يرا من الاخر .. أبتسامته.
***

تعالالي بقي أنت

 

الثالث .. نظر الي الصوره علي كل الابعاد ومن جميع الجهات .. والأنطباع لديه لم يختلف .. هو دائما يحتاج أن يري الابتسامه تعلو وجهي وبالبهجه تغمرني .. ولكنه هو الوحيد القادر علي فهم أبتسامتي وعبوثي وكان هو الاقدر علي ترجمه ملامحي المبهمه في القرب والبعد علي حد سواء

أنا قدرك وانت ايضا .. فأصبر

دا بكره الجاي بالفرحه .. لينا 

 

 

قبل ما تمشوا

لحظه من فضلكم

 

صوره كمان

*

*



أنظر جيدا للصوره –من فضلك- ثم أرجع علي نفس البعد السابق وفي نفس المكان وأنظر للصوره..

 هذه الصوره علي النقيض .. تري ملامحي في القرب ويتعب نظرك الابهام علي البعد

 هذه الصوره اسميها الحقيقه

سيصعب عليك فهم كلامي التالي إن لم تقتنع بأن روحي تسكن تلك الصوره

وضعتها لا لكي أشتتك .. وأنما لكي أوضح لك كلامي .. هذه الصوره "أنا" .. أتفقنا؟؟

إذاً

"فقط الاشخاص المقربون مني قادرون علي أستيعابي" 

شكراً

هناك 12 تعليقًا:

  1. ما يهمنيش شكلك ما يهمنيش لونك يهمنى الانسان ولو مالوش عنوان

    ردحذف
  2. بص كالعاده افكراك تحفه

    ردحذف
  3. عبد الرحمن14 يونيو، 2009 4:33 م

    ِشوف انا مرجعتش بصراحه علشان ورايا كنبه
    بس كملت الموضوع للاخر

    و برضو مصمم
    ما تجيب بقى
    !!!

    ردحذف
  4. مش محتاجه صور اشوفك بيها
    لانى شيفاك من جواك كويس اوى
    مش من الصورة
    :)
    بس حلوة اوى الفكرة بتعتك
    الاهم اللى يشوف جوانا مش ملامحنا
    اعتقد ملامح الروح بتربط الناس ببعض اكتر كتير من ملامح الوشوش

    ردحذف
  5. على اية حال استخدام الصورة فى البوست شئ جديد وجميل
    وأعتقد ان هناك قرأات اخرى غير اللى انت حددتها
    فى الصورة الأولى - والثانية - اسود وابيض وفلو من الممكن ان يكون هناك مشاكل بس الابتسامة تعطينا الأمل
    الصورة التانية مليئة بالتأمل ونظرة الفلاسفة لما هو أت .
    والصورتان مكملتان لبعضهم فى المجمل العام.

    ردحذف
  6. انا شايفك من غير ما ابعد الاتنين متر دول ومش محتاجه اشوفك تانى
    انا شايفه حويحى الجميل اللى يضحك وبسمع ضحكته من غير ما يكون على وشه اى ابتسامه واللى بيزعل وبشوف حزنه من غير ما يكون على وشه اى حزن
    على فكره الاتنين متر دول بجد احنا مش محتاجينهم عشان نشوفك لانك قدام عنينا على طول
    ربنا يخليك ليا يا حويحى يا جميل
    يا ابو ضحكه جنان

    ردحذف
  7. جميل جداا كعادتك

    طول عمرى اقول عليك انك فعلا فنان بالفطرة

    ردحذف
  8. تانى مرة حلوة جدا

    ردحذف
  9. فكرة الصور مبتكرة
    والافكار قد تبدو بسيطة ولكنها ليست كذلك قطعا

    ردحذف
  10. انا شيفاك من قريب قووووووووى و عرفاك كويس اوى مش محتاجة ابعد متر و لا اتنين
    و شيفاك حلو كده و بحبك كده

    ردحذف
  11. فى نوع رابع........مرجعش لورا عشان يشوف الصورة بس كمل الموضوع للاخر..يمكن ميهمهوش شكلك..يمكن مش مركز وبيقرا وخلاص..يمكن تعبان ومش ناقص حد يلعب معاه استغماية...دة نوع من البشر بتتعامل معاه كتير..بيسمعك من غير ما يشوفك..بيسمع وخلاص عشان كدة بتفقده بسرعة..على فكرة افكارك لطيفة اوى

    سلام

    ردحذف
  12. عجبتني ياوحوي قولت كلام كان نفسي اقوله بس ماكنتش عارفة اصيغه ازاي
    سلام مربع للعامية وبساطتها يافندم

    ردحذف

ليصلك الجديد أشترك بالبريد