الجمعة، 8 مايو 2009

مش بحبك .. مش معجب .. بس محتاجك

وحشتوووووووووووووووووني ياولاد الايه يالذينا .. ووحشتني جدا البتاعه دي اللي هي المدونه يعني .. ونبي عرفت قيمتها قوي قوي قوي لانها بتخليني معاكم يعني وكداهون


:)


المهم وبعد غياب بقي .. مافيش جديد !!

والجديد كان فيه بوست قديم عندي ما نشرتوش وماكنتش هنشره

انما دلوقتي محتاج قوي انشره

يلا اسيبكم معاه

****

قبل أن تقرا .. هذه المره اعتذر عن السخافه التي يمكن ان تقراها في كلامي هذا .. أعتقد انها ستشكل لك سخافات وستمل من التطويل ..

 لان دوما جراح الاخرين نراها سخافات!!

 لا أعرف ان كنت أحبك ام اني فقط بك معجب

لكن اعلمي انت انك امرا حياتي القادمه!!

صحيت الصبح حاسس باني مش حاسس بحاجه خالص .. قعدت افكر في الاحساس بعدم الاحساس قلب معايا .. بقيت مبتسم كده ما تعرفش علي ايه وقلقان ما تقهمش من ايه ؟!! .. علي الليل تسلل الحزن وهزم الابتسامه "البلهاء" .. و القلق تحول لاستعباط خلاني انكش علي السواد بمنكاش واتلكك علي نفسي وبصراحه مش طالبه .. قلت انزل اتمشي شويه لعل وعسي. 

ليل خارجي .. أنا ماشي وسط زحام من البشر ماحدش فيهم واقف .. مشيتي البطيئه المتمهله جايبالي الكافيه .. اللي ماشي في اتجاهي ماشي بسرعه ينخبط كتفه في كتفي يزقني علي اللي جي في عكس اتجاهي انخبط فيه ارجع مكاني .. ما منهاش مفر بقي .. هي طالبه القهوه بدل البهدله دي ..

ليل خارجي"برضه" .. ماهي مش ناقصه خنقه .. خليني قاعد هنا علي رصيف القهوه اتفرح علي الرايح والجاي .. 

واول الفرجه حته صاروخ ماشي كده بهداوه بيدك علي الموسيقي التصويريه في الخلفيه بصوت المجاميع في الشارع "يا ارض اتهدي ماعليكي أدي " .. سرحت اوافتكرت اني بقالي فتره كبيره مابصيتش ولا بحلقتش - بأدب .. - من يوم ما ظهرت في حياتي وشفتها مره ما بقيتش بشوف بعدها .. كل اللامؤاخذه - الصواريخ - بالنسبه ليا بقت لا تثير فيا الا الشفقه .. !! الشفقه علي بنات حلوين بس مش في جمالها!!

هذا الموقف فرض نفسه علي أحاديث الجالسين في القهوه فالسنيوره مشيت بس الكلام جه .. وبأختلافه وتنوعه بين الحديث عن التربيه أو عن الحال عامه .. لفت انتباهي حديث مجموعه قاعده جنبي .. فاحدهم سال أخر : أنت مواصفاتك ايه في فتاه احلامك؟! .. -الاستفهام له والتعجب لي- .. لكني وبصراحه لم اتعجب للسؤال بقدر تعجبي للأجابه .. فأخينا أخد يضع بنودا ومواصفات تعجز اي كراسه شروط عن استيعابها .. تذكرت حينها أني لم أضع شرطا ولا مواصات لفتات احلامي .. يمكن ما كنتش بفكر في الموضوع ده .. بس استهواني موضوع المواصفات لافكر فيها .. أعتقد ان مواصفاتها هي أفضل ما يمكن ان اختاره لفتاه أحلامي. ما امتع ان تحب فتاه تفي بما لم تحلم به ..  فجأه يدق تليفون احدهم بنغمه لاغنيه محمود العسيلي "أنا عاوزك زي ما أنت ..." .. الاغنيه غيرت دفه الحديث نسوا المواصفات وتكلموا عن العيوب .. اعترضوا علي الاغنيه .. يعني ايه عاوزك زي ما انت .. وانا ايه يجبرني علي عيوبها .. نظرت لصاحب العباره كثيرا تيقنت انه لم يحب قبل ذلك !! .. 

أنا جي اريح نفسي من التفكير هايعكننوا علينا يووووووووووه

فيه حاجه يا استاذ

وانت مالك!!

 .. مش عارف ليه رديت علي الراجل كده وهو بيسأل ويطمن علي الواحد يعني ما غلطش .. لكن وعشان الموقف يعدي علي كده عملت فيها مضايق وقمت خاااااااااالص.

عوده للزحام .. ووسط ضوضاء الديجيهات تخطف أنتباهي كلمات اغنيه تامر عاشو "دا كان لي فين ؟؟ ومين كان يقول أنا أعيش لحد طول حياته ما قابلنيش ولسه عارفه من ما فيش؟!" .. طب وبعدين يعني نزلت اتمشي واتهوي يمكن الفكر يتهوي من نافوخي برضه مش عاتقني .. بس ماهو الفكر معذور .. ماهو بالعقل ما تجيش قلبي يروح مني وما يرجعليش لحد ما قابلنيش!!  ..  أنتبه علي صوت 'كلاكس' سياره ورجل "بيكلمني" .. ابصله شذراً وأتجه الي الشارع الجانبي مظلم وهادي يساعد علي التفكير بهداوه .. أصل الموضوع يحتاج الي التفكير وبهداوه ..

 اكيد مش بحبها , أكيد دا وهم , لأ دا وهم ..

 أحلام بيك أفتكرت أحققها .. وفي ليله نمت مصدقها .. وصحيت لقيتها كلام  .. وياريت أنا أخدت بالي من الأول كان العاب مش هايطول.

طب وهو ذنبه أيه؟؟ .. ليه بقيت ادندن دايما مع نفسي " بتبعديني عن حياتك بالممل .. خلتيني اقول ما فيش أمل " .. أمل ايه عاوزه .. وأزاي هي بتبعدني  .. أن كانت هي ما تعرفنيش .. الومها ازاي علي حلمي أنها ما حقققتوش ليا .. لازم افوق واشيل من قلبي كلمه شوق.

 

تكمله السخافات اني توقفت هنا ولم اقدر علي التكمله .. اعتقد لانها ليس نوت اوخاطره بقدر ما هي رساله لها!! .. أردت  ان اخبرها  انه يمكن مش بحبها .. بس خلتيني مش قادر ولا محتاج أشوف غيرك .. فحتي مش هقدر احب غيرك ......

 ولهذا أحبــك 

 

***

علي فكره قبل ما تمشوا .. انا ما نشرتش البوست ده قبل كده لانه ماكنش بوست وانما كان رساله

اللي خلاني انشر هذا البوست دلوقتي اني اتاكدت من انها "مرتبطه" .. ولهذا لم يصبح رساله بل بوست

حد فاهم حاجه


حاجه كمان 

أمراه حياتي القادمه .. زوجه او ملهمه لا يهم فقد صنعت فعلا حياتي القادمه 




هناك 10 تعليقات:

  1. لا يهم فقد صنعت فعلا حياتى القادمة

    هو ده الكلام :)

    ردحذف
  2. يا بختها بان فى حد حبها كل ده حتى لو مش قالها كفايه انه حبها ... تسلم ايدك

    ردحذف
  3. مممممممممممم
    شدنى انا اوى طريقة تعليقك فى كذا مدونة
    وال خلينى استمر لمة شوفت فى البروفيل بتاعك تعريفك ال مشكل دة واكتر حاجة الكلمتان من اغنية يبكى ويضحك لباب الشمس لانى حاسه انا الوحيدة الى بسمعها
    ممممممممممممممممم هو انا ليه برغى كل دة اساسا!!
    بس عاجبنى الاستيل وطريقة تفكيرك بحيك يعنى عليها
    بالنسبة للبوست...مش عارفة اعبر بحاحة معينه بى
    بس انا فاهمة وفاهمة اوى اوى
    رغيت كتير انا اوى صح؟
    اة صح
    عووووووو

    ردحذف
  4. اجمل حب هو ما يحدث صدفه وليس الحب الذي نبحث عنه

    اجمل حب هو الذي يترك اثر جميل في الحياة القادمة

    استمتعت وانا اقرأ ولم اشعر بالملل
    سمراء

    ردحذف
  5. انت كمان وحشتنا اوى كداهون
    :))

    ردحذف
  6. انا بحب كتابتك وبحب مشاعرك اللي انت مش بتبينها ابدا
    انا عارفاك واد عواطفجي مش بس واد مهم

    ردحذف
  7. اهم حاجه انك تتكلم

    متفضلش ساكت..:)

    ردحذف
  8. مش عارفه ليه كل شويه اجى ابص على النوت دى بجد عجبانى اوووى ... كل لما اقرها احس احساس غريب

    ردحذف
  9. عبدالرحمن13 يونيو 2009 12:55 م

    محمد الجميل فى كتاباتك انها طبيعيه اوى .. و بتعبر عن احساس صادق حتى لو كان لحظى او غريب بس المهم انه صادق
    انت بتوصف احساس يمكن انت شايفه بسيط بس هو مش كده خالص ..

    اللى زيك و فى حنانك لما اقابله .. الكلام يطلع اغانى بتتكتبله


    طبعا مش زيك انت ولا فى حنان حضرتك انا بقولك ع الفكره بس .. أوقات الكلام بيطلع اغانى

    :)

    ردحذف
  10. احب اقولك اني قريتها 3 مرات
    حلوه اوي وفيها مليون احساس حلو وحش
    تسلم يا جمييييييييييل
    مبسوطه ان في حد زيك في حياتي

    ردحذف

ليصلك الجديد أشترك بالبريد