السبت، 14 مارس، 2009

قبل ان اموت


أنه اليوم العاشر .. أستيقظ متاخراً .. أتباطئ في الحركه .. لا ابالي بزميل السكن .. احسده لانه لم يستيقظ بعد .. ارتدي ثيابي  وأنطلق في طريقي الي عملي الجديد .. 

 

جي من بلادي البعيده لا زاد ولا ميه

وغربتي صاحبتي بتحوم حواليه

 

أحب منير .. تربيت علي صوته منذ الصغر .. لكني في العاده لا أغني له او لغيره .. لا اجيد حفظ الكلمات هذا ما في الامر .. لكني اعتدت غناء المقطع من اغنيه يونس منذ ان خطت اقدامي القاهره للعمل بالوظيفه الجديده .. المؤقته كما اقولقادم من الفيوم الي القاهره .." لاغربه ولا ديالو"..  أعتقد انه حب منير والخال عبد الرحمن الابنودي يساعداني فقط علي انهاء هذا الطريق دون التفكير في غيرهما .. اخيرا قد صلت.

-السلام عليكم. :)

- وعليكم :( :( :( :( .. :).

أبتسامه من بين عشره .. اجلس الي جهازي .. وانتظر الفرج .. يتثاقل الوقت كعادته ويمر بطيئا .. حتي ياتي وقت الانصراف .. فانصرف.

 

جي من بلادي البعيده لا زاد ولا ميه

وغربتي صاحبتي بتحوم حواليا

 

اسير.. اسير .. واسير حتي تاخدني اقدامي الي القهوه .. اجلس واطلب الشاي .. متجاهلا اني اجلس اسفل شباك مكتبها ..

 "طب ماتعرف .. نفسي تعرف  .. نفسي" .. اااااااااااااااااااااااااه ..

 أشير للرجل معتذرا .. وانصرف .. لا تحملني قدمي اكثر من بضع امتار لاجلس علي تلك القهوه اللا بعيده واللا قريبه.

-السلام عليكم.

انتبه لتحيه القادم .. اهب واقفا واتشبث بعنقه كطفل وجد اباه .. انتبهت لحالي .. فنظرت استطلع ردود الافعال .. فلم أجد لفعلي من رد .. لعل رواد القهوه جميعا من الغرباء مثلي .. يعتادون هذا المنظر لمستجد بالوحده واولهم زميلي الذي اسمعني من الكلام ما يفي بما لم اسمعه طيله العشر ليال الماضيه .. لعله ايضا لم يتحدث هذه الليال كما تحدث اليوم .. لم يترك مجالا يمكن الحديث فيه الا وطرقه .. أنطلق في الحديث ولم يتنظر مني مداخله .. وحسنا فعلا .. فانا لم أسمع منه شيئا .. وفرت جام طاقتي لانتظار لحظه ظهورها في شرفتها .. كيف ساتحمل رؤيتها وأهرب منها .. متي تفتح نافذتها؟؟ .. لماذا تغلقا؟؟ .. 

أخيرا يشركني في حديثه فيسألني: -مش كده ولا أيه؟؟

-نعم؟

-هو أيه اللي نعم!! .. أقولك الواحد منا مش ضامن عمره .. تقولي نعم؟؟ .. يا مؤمن انت ما تعرفش اللحظه الجايه هاتكون فين ..

ما تعرفش اللحظه الجايه هاتكون فين!! .. أيدركني الموت دون أن أخبرها بحبي؟! .. لا .. سأنتظرها هنا حتي تنهي عملها وأخبرها .. فكيف أموت دون أن أشهد بحبها ؟؟.. وهل يغفر لي الكتمان؟؟ .. أذا فلن انتظر !! .. ساصعد اليها .. ساشهد واسلم لها قلبي.

أقوم من جلستي مستاذناً:

-أستاذنك معلش هاقوم بقي .. أشوفك بكره.

-أيه انت ماشي؟؟ .. طب استني أقوم انا كمان  .. الوقت اتأخر

الوقت أتاخر!! .. أنظر في ساعتي .. أجد الوقت متأخراً وأتذكر أني أتيت متاخراً .. بعد أن أغلقت نافذتها وذهبت.

 

جلبي ضايع مني يا مين يلاجهلي



هناك 12 تعليقًا:

  1. يخرب بيت عقلك ياواد يامهم
    ارفعلك القبعه مع تصفيق سفاح كرموز

    ردحذف
  2. ايه ياواد الحلاوة دي
    يخربيت عقلك الفسفس
    جميلة جدااااااااااااااااااااااا
    بس يعني هانحضر الخطوبة امتي

    ردحذف
  3. الفرصة مبتكررش مرتين :)

    استغل الفرصة

    تحياتى :)

    ردحذف
  4. حلو قوى ..قوى
    بس فيه كلام مش عارف منين مثل " الا بعيده.. الا قريبه "
    وكمان " وفرت جام طاقتى " " ومنذ انت خطت قدماى القاهرة " يمكن السرعة وعدم المراجعة ، الحوار الداخلى ممتع على الرغم من كثافته.
    وعلى أية حال أن تصل متأخر .. أفضل من ألا تأتى مطلقاً
    من ثقاة وابداع

    ردحذف
  5. باينى نسيتوا حدا اهلى..

    اية ياعم البرجلة دى..

    فعلا مهوى ...

    انت مش موضح ازاى اول يوم ليك ف مصر وازاى حبيتها ولا كلو وهم ؟؟؟

    بيس

    ردحذف
  6. بقى كل الافكار دى وفى الاخر قفلت شباكها ومشيت ؟؟
    يلا معلشى بقى

    ردحذف
  7. الغربة ليست فى بعد المكان
    و لكن فى بعد النفس عن ما تشتهيه
    و الحب مثل القدر
    فأتمنى لك قدرا سعيدا

    ردحذف
  8. حلو أوى بجد .. بجد رووووووووووعة

    انت مينفعش يتقال عنك غير فنان

    حلوة اوى .. حاسة انى مش لاقية حاجة اقولها غير الجملة ديه

    بس بجد عجبتنى جدااااااااااا

    ردحذف
  9. حلوة
    بس ليا سؤال
    انت متاكد انها بتكون مشيت ولا ممكن تكون قفلت الشباك علشان الجو ساقعة وهو ادام مكتبها على طول
    بس سؤال تانى انت حتفضل قاعد على القهوة اللى تحت مكتبها تشرب شاى بس ولا ..... جرب النسكافية بيكون حلو اوى :)

    ردحذف
  10. حلوة
    بس ليا سؤال
    هل هى بتكون فعلا مشيت ولا بتكون قفلت الشباك علشان الجو ساقعة وممكن يكون ادام مكتبها وبعدين هى اكيد مواعيدها متاخر لانك انت بتخلص شغلك وتروحلها وهى لسه بتشتغل
    بس انت حتفضل كده بس قاعد على القهوة بتشرب فى الشاى؟؟؟ أقولك جرب النسكافية بيكون حلوة برضه فى القهوة دى :)

    ردحذف
  11. يووووونس.. حبيبى من أيام الجيزة ... بس كده ياد تشغله لحسابك انت كمان من غير إذنى؟؟ .. انت ماتعرفش انى ماضية معاه عقد احتكار؟؟ :)ههههههههههههه

    نتكلم جد بقى ؟؟؟
    هو انت عايز تعرفها انك بتحبها ليه؟؟
    يابنى دى أكيد عارفة .. ده انتى تلاقى مصر كلها عارفة
    ماهو الحب ده فضيحة أصلا حتى لو ماتكلمتش
    حتى لو انت نفسك ماكتشفتوش
    بيتعرف بيتعرف يعنى مابيستخباش وبيبقى جرسة بجلاجل
    ههههههههههههههه
    بس السؤال بقى .. ياترى إنت فعلا بتحبها بجد.؟؟
    ولا يكون مجرد إعجاب.. انجذاب .. هوس...أكلان دماغ أى حاجة بس مش حب
    ((على فكرة طالبة معايا اكتب بالانجليزى بس ماسكة نفسى اصل المصطلحات العربى ضيقة اوى فى التعبير عن المشاعر السابق الاشارة اليها بس ماعلينا))
    المهم.. كنا بنقول ايه؟؟
    آه.. كنا بنقول مش حب
    أصل الحب يابنى ده حاجة تانية .. أو أولانية.. أو بمعنى أدق يعنى الحب ده زيرو
    يعنى انتو الاتنين تبقوا مع بعض فى نفس النقطة فى نفس اللحظة
    مش انا بقول ان الحب رايح جاى ؟؟
    طيب يعنى ببروح المسافة وبيرجعها .. يتبعت ويترد يعنى .. يبقى زيرو بقى ولا مش زيرو؟؟
    يعنى اللى عايزة أقوله ان لو انت بتحبها حب من اللى بجد بجد بتاع الزيرو ده... يبقى أكيد هى كمان بتحبك
    يبقى كان زمانها فاتحة الشباك وبتبص عليك فى نفس ذات اللحظة اللى سيادتك كنت بتبص عليها فيها
    ومادام ماحصلش يبقى عندك المصطلحات السابق ذكرها بالعربى الفاشل الغير معبر .. اختار منهم المناسب لحالتك .. بس ابقى صريح مع نفسك:)

    ردحذف

ليصلك الجديد أشترك بالبريد