السبت، 6 ديسمبر، 2008

العداد .. !!

بناء علي نصيحه أحد الأصدقاء , وأهو برضه شئ من قبيل - دلع مدونتك تدلعك - أضفت " العداااااااااااااااااااااد " هذا الشئ في الاسفل اللي بيعد عليكوا خطواتكوا ويبلغني بعددكوا ويفرحني بزياراتكوا. 
أضفته بالتمام من عشر أيام وعشان يبقي العدد مظبوط خليته ما يعد ش عليا خطواتي يعني بشوفكم انتوا وبس ودا المطلوب. 
ولان عقلي مهوي طبيعي فانا قاعد جنبه كل خمس دقايق اشوف العدد بقي كام .. والحمد لله بعد عشر ايام وصل العدد وبقي  100 يعني لو قسمنا الـ"100" اللي هوعدد الزيارات  علي  الـ"10" اللي هما عدد الأيام . حيبقي عندنا "10" .يعني يا شعب انا بيزورني في المتوسط "10"مواطنين يوميا. وبعيدا بقي عن الفرحه والظقطط والذي منه " .. ماهو عشره برضه يعني انا من المشاهير وعلي كلامي الطلب D: .." 

 حكمل انا بقي باقي الحسبه 10 مواطنين صالحين بيعجبهم كلامي العقل المهوي"نمشيها بيعجبهم دي من نفسي " وبيقروه " وبغض النظر عن اني تقريبا عارفهم كلهم " يبقي دا معناه مثلا اني ممكن اصل للرقم " 1000 " في 100 يوم يعني باقي  90 يوم  يعني 3 شهور كمان  والعداد اللي تحت ده يزغرد من الفرح بالرقم  " 1000".
دا بشرط ان العدد يفضل زي ماهو 10 زيارات يومياً . 

دا بقي كمان انا زودها قوي خالص وسرحت وال يعني حلمت باني ممكن اصل لرقم ده في مده اقل دا لو زاد العدد 10 وبقي اكبر من كده "أوهام " بس وماله ماهو لو بطلنا نحلم نموت واهو الحلم الحاجه الوحيده اللي ببلاش.

بس من ناحيه تانيه بقي ممكن الرقم 1000 ما يتحققش بعد  100 يوم ولا 100 سنه حتي  " ودا المتوقع اصلا .. بس محدش يقولي" 

******

بعد ما كتبت الكلمتين دول مش عارف ايه اللي خلاني اكتبهم اساسا بس يمكن لاني فرحان بزياراتكم فعلا فدا اللي خلاني اكتب عشان تشاركوني الفرحه
علي كل حال اهي فرصه برضه عشان اعيد عليكم 
" كل سنه وكلنا طيبين"
هابي ماااااااااااااااااااااااااء

هناك 6 تعليقات:

  1. ههههه .. مدونتك لذيذة جدا وجديدة
    أول مرة اجى.. بس مش هتبقى الاخر ان شاء الله
    كل سنة وحضرتك طيب :)

    ردحذف
  2. هابي ( مااااااااااااااءءءءءء ) ياابو عقل مهوي انت ؟؟؟؟؟؟؟ جديده والله هابي ماء - وخلاص حنسجلها باسمك في موسوعه ( مش عارفه ايه دي ) وحنديك عليها جايزه نوفل للابداع المآمآي !!!!!! كل سنه وانت طيب جدا وعقلك مهوي كمان وكمان

    ردحذف
  3. ههههههههههههههههه
    هابى ماااااااااااء
    احنا بتوع كل جديد
    كل سنه وانت عقلك مهوى اكتر واكتر
    هابى ماااااااااء عليك وعلينا
    وايوه ياعم ماشيه معاك
    فاهمنى

    ردحذف
  4. كل سنة وانت في عيد
    وعيد سعيد يا مهوي

    ردحذف
  5. عقل يوزن بلد
    كل سنة وانت طيب ياريس وعيد سعيد وجميل ومليان بهجة وفرح ويارب السنة اللي جاية تكون محقق كل اللي بتحلم بيه ويكون العداد وصل 100 الف
    وهابي ماااااااااااااء

    ردحذف
  6. ههههههههههه
    لالالالالالا ان شاء الله هانزيد
    وليك عليا يا سيدي ادخل كل يوم ان شاء الله
    كتيييييييييييييييير
    عشان تبقي مبسوط لما عددنا يزيد وزيارتنا كمان
    يا ابو عقل مهوي
    هههههههههه

    ردحذف

ليصلك الجديد أشترك بالبريد